17:22 28 апреля 2017 г.
Чăваш Республикин вĕренÿ тата çамрăксен политикин министерствин хушăвĕпе килĕшÿллĕн 2017 çулхи çу уйăхĕн 4-мĕшĕнче 9 сехет те 30 минутра Чăваш Республикин вĕренÿ институчĕнче «Туслăх хĕлхемĕ» («Искорка дружбы») фестивалĕн регион тапхăрĕ иртет.
Фестивалĕн номинацийĕсем:
1) ÿнер ăсталăхĕн «Шевле» конкурсĕ
2) «Çăлтăрчăк» вăйă конкурс
Фестивалĕн «Çăлтăрчăк» вăйă-конкурсăн регион тапхăрне район е хула шайĕнче малти вырăна тухнă ачасем хутшăнаççĕ. Кашни ачан 5 станци иртмелле пулать:
1) «Чĕлхе – халăх мулĕ» станци,
2) «Çут çанталăка сыхласа çын хăйне сыхлать» станци,
3) «Тăван кил ăшши – атте-анне ăшши» станци,
4) «Илемлĕх тĕнчи» станци,
5) «Пирĕн пултарулăх» станци.
«Шевле» конкурсăн регион шайĕнчи тапхăрне хутшăнакансен оргкомитет сĕннĕ темăпа 3 сехет хушшинче ÿкерчĕк ÿкермелле пулать. Кашни конкурсант ÿкерме кирлĕ хатĕр-хĕтĕре хăй илсе килет: акварель, гуашь, тушь, кăранташ е ыт., хут А-4 е А-3.
Пирĕн адрес:
Шупашкар, М. Горький проспекчĕ, 5-мĕш çурт,
216-мĕш пÿлĕм (наци вĕренĕвĕн центрĕ),
e-mail: chrio6@cap.ru
тел.: (8352)58-46-44
БУ ЧР ДПО "Чувашский республиканский институт образования" Минобразования Чувашии