Вăрмарти Спорт çуртне уçнăранпа кăçал 30 çул çитет. Паллă пулăма районта чаплă лару-тăрура паллă тума хатĕрленеççĕ. Вăл февралĕн 25-мĕшĕнче, Çăварни эрнине ăсатнă кун иртĕ. Тĕрлĕ спорт мероприятийĕ те ирттерме палăртнă çак кун. Ку пĕрре те ахальтен мар. Ара, ун чухне республикăри яллă районсенче пуçласа çакăн пек капмар комплекс çĕкленĕ. Вăрмарсем ăна спортри пысăк çитĕнÿсемшĕн тивĕçнĕ. Çакăн пек çынсенчен пĕри Алексей Федорович Федоров пулнă. Паян сăмах ун çинчен.