00:00 19 апреля 2011 г.
Район администрацийĕн пуçлăхĕ К.Никитин санитарипе экологи тĕлĕшĕнчен тавралăха тасатас, тирпей-илем кĕртес тата йывăçсем лартас енĕпе апрелĕн 11-мĕшĕнчен пуçласа июнĕн 11-мĕшĕччен икĕ уйăхлăх ирттерес пирки Йышăну тунă. Тăван поселок, ял, урам, тавралăх илемлĕ те ешĕл пултăр тесе тăрăшни - çуралнă çĕршывăмăра чĕререн юратни. Çавăн пекех Мăнкун умĕн масарсене, Аслă Çĕнтерÿ кунĕ тĕлне Тăван çĕршывшăн пуçĕсене хунă çар çыннисене асăнса лартнă палăксене, вĕсен территорийĕсене тирпей-илем кĕртесси те малти вырăнта пулмалла.