Skip Navigation LinksЧăваш Республики  »  Хыпарсем  »  Чӑваш Республикине тăкаксене саплаштарма укҫа уйӑрĕҫ
18.05.2020Чӑваш Республикине тăкаксене саплаштарма укҫа уйӑрĕҫ

Чувашской Республике выделят деньги на компенсацию выпадающих доходовКун ҫинчен ҫу уйăхĕн 18-мӗшӗнче Правительство ҫуртĕнче кашни эрнере иртекен канашлура Чӑваш Республикин Министрсен Кабинечӗн Председателӗн ҫумĕ - финанс министрӗн тивӗҫӗсене пурнӑҫлакан Михаил Ноздряков пӗлтернӗ.

Раҫҫей Федерацийӗн Президенчӗн Владимир Путинăн хушӑвӗпе килӗшӳллӗн иртнӗ эрнере Раҫҫей Правительстви бюджетсен шайлашулӑхне тивӗҫтерес енӗпе регионсене дотацисене валеҫсе памалли проект хатӗрлерӗ.  Ĕҫ хутне хальлĕхе йышӑнман-ха, анчах та  РФ 56 субъектне тĕрев куҫасси паллă, вăл шутран Чăваш Республикине те укҫа куҫĕ.

"Ҫак дотаци – Раҫҫей Федерацийӗн Президенчӗ палăртнă икҫӗр миллиард тенкӗрен пуҫласа ҫӗр миллиард тенкӗ  пĕрремĕш тапхăрпа куҫать", - палӑртнă вице-премьер, Чăваш Республикине 271,9 млн тенкӗ  куҫарса парĕҫ тенĕ вăл сăмаха малалла тăснă май.

Чӑваш Республикин Пуҫлӑхӗн  тивĕҫĕсене вăхăтлăх пурнăҫлакан Олег Николаев йышӑнӑвӗ тӑрӑх ҫак укҫа-тенкӗн пӗр пайне муниципалитет пӗрлӗхӗсен тӑкӑнакан тупӑшӗсене кӑҫалхи тӑватӑ уйӑх хушшинче компенсацилеме 64,8 млн тенкĕ ярӗҫ. Олег Николаев та вӗренӳ тытăмне  муниципалитетсене пайласа панă хыҫҫӑн юлнӑ укҫана ярса пама хушнă.

"Эпир халӗ сахал мар объекта чарса лартрăмăр. Ачасем канура, апла пулсан, ҫуртсене тирпей-илем кӳртме меллĕ. Вĕренӳ пайне вăхăтра укҫа-тенкĕ куҫарса пама тăрăшмалла.  Чăваш Республикин Вĕренӳ министерствипе Чăваш Республикин Финанс министерствине ыйтăва ҫирĕп тĕрĕслеве илме хушатăп.  Объектсене пурнăҫлама нимĕнле чару та пулмалла мар, укҫа-тенкĕ вăхăтра куҫмалла», - тесе чĕнсе каланă Чăваш Ен Пуҫлăхĕн тивĕҫĕсене вăхăтлăх пурнăҫлакан Олег Николаев.  

Чăваш Республикин Пуçлăхĕн Администрацийĕ
428004 Шупашкар хули, Президент бульварĕ, 10-мĕш çурт
Факс (8352) 62-17-99
Сайтăн администраторне ыйтусем парас текенсем валли
Яндекс.Метрика