Проход по ссылкам навигацииЧăваш Республики  »  Паллă кунсем  »  Чукун ҫул ĕҫченĕн кунĕ
05.08.2018Чукун ҫул ĕҫченĕн кунĕ

Чукун ҫулĕн хисеплĕ ĕҫченĕсем тата ветеранĕсем!

Сире професси уявĕпе – Чукун ҫул ĕҫченĕн кунĕпе саламлатăп!

 Раҫҫей транспорт тытăмĕнче чукун ҫул пĕлтерĕшлĕ вырăн йышăнать. Хурҫă магистраль тăрăх куллен груз турттарассине тата пассажирсене чăрмавсăр илсе ҫӳрессине шанчăклă йĕркеленĕ. Асăннă отрасльте вăй хуракансен пысăк квалификациллĕ тата тӳрĕ кăмăлпа пурнăҫлакан ĕҫĕ чукун ҫул транспортне кал-кал ҫӳретме, пассажирсене илсе ҫитерме тата груз ҫыхăнăвне кирлĕ пек йĕркелеме пулăшать.

Чăваш Ен тата ҫĕршыври чукун ҫулсен тытăмĕн ят-сумлă операторĕ «Раҫҫей чукун ҫулĕсем» АУО чылайранпа туслă ҫыхăну тытаҫҫĕ, шанчăклă ĕҫтешсем шутланаҫҫĕ. Хутшăнусене аталантарса пыни регион экономикине вăй илтермешкĕн ырă витĕм кӳрет. Пирĕн республикăри тавар туса кăларакансен продукцийĕпе чукун ҫул отрасльне тивĕҫтересси ӳссе, ассортимент пуянланса пыраҫҫĕ.

Асăннă тытăмра вăй хуракансене тата ветерансене тӳрĕ кăмăлпа вăй хунăшăн тав тăватăп. Сирĕн профессиллĕ пысăк ăсталăхăр ҫитĕнĕвĕрсене ҫирĕплетсе ҫĕннисене ҫĕнсе илмешкĕн пулăшасса ĕненетĕп. Отрасль умĕнчи малашлăх тĕллевĕсем ăнăҫлă пурнăҫланччăр, ĕҫ сире телей кӳтĕр. Пурсăра та ҫирĕп сывлăх, иксĕлми телей сунатăп, тăнăҫлă пулăр!

 

Чăваш Республикин Пуҫлăхĕ                                                                       Михаил Игнатьев

Чăваш Республикин Пуçлăхĕн Администрацийĕ
428004 Шупашкар хули, Президент бульварĕ, 10-мĕш çурт
Факс (8352) 62-17-99
Сайтăн администраторне ыйтусем парас текенсем валли
Яндекс.Метрика