2015.01.05 Литература çулталăкне – такǎр çул

 

Раççей Президенчĕ Владимир Путин çитес çула Литература çулталǎкĕ тесе пĕлтерчĕ, Чǎваш Ен Пуçлăхĕ Михаил Игнатьев вара 2015 çулта вилĕмсĕр «Нарспи» поэма авторĕн К.В.Ивановăн çулталǎкне ирттерме указ кăларчĕ. Чǎваш юрри-сǎввин кĕрнеклĕ ǎсти К.В.Иванов çуралнǎранпа 125 çул çитет. К.В.Иванов – чǎваш халǎхĕн мǎнаçлǎхĕпе мухтавĕ, çĕнĕ çыруллǎ сǎмахлǎха пуçараканĕ, хура халǎха çутта кǎлараканĕ. Литература çулталǎкне халалласа Кĕçĕн Таяпари ял библиотекинче кĕнеке куравĕ йĕркеленĕ. Çĕне Çулта вулавǎша чи малтан Г.А.Изосимов вулакан килчĕ. Вǎл 15 çул культура керменĕнче вǎй хунǎ, халĕ тивĕçлĕ канура. Геннадий Александрович çĕнĕ кĕнекесемпе паллашрĕ, Çĕне Çулта тата кǎсǎклǎрах мероприятисем ирттерме сĕнчĕ. Виçе ача амǎшĕ Зоя Бахомова та Çĕнĕ Çулта вулавǎша васкаса çитрĕ, Литература тата К.В.Иванов çулне халалланǎ куравпа паллашрĕ. Зоя Бахомова кĕнекесем вулама юратать, хǎй те сǎвǎсем шǎрçалать. С.Агеева вулакансене çирĕп сывлăх, телей сунса кĕнекесем парнелерĕ. Çапла Культура çулталăкĕнчен Иванов çулталăкне çул уçăлчĕ.