2014.11.20 Кĕçĕн Таяпари вулавăша – А.Севриков фермертан парне

Хальхи вăхăтра мĕнпур çыхăну уйрăмĕсенче хĕрỹ сырăну тапхăрĕ пырать. Хаçат-журнал вулакан çын – тавракурăмлă, хайĕн пĕлĕвне малалла ỹстерекен çын. Çавăн пекех информаци хатĕрĕсем çынна вăй-хăват параççĕ. Ахальтен мар хаçат-журнал чун уççи, теççĕ. Чăнах та, алла хаçат-журнал тытса çĕнĕ хыпарсене вуласан чун-чĕрене вăй-хăват кĕрет.

Каркаларти хресчен фермер хуçалăх ертуçин Андрей Севриковăн пушă вăхат сахал пулин те, вăл хаçат журналпа тачă çыхăну тытать, тĕрлĕрен çĕнĕ технологисемпе паллашса хайĕн хуçалăхĕнче усă курма тăрăшать. Фермер çавăн пекех хайĕн хуçалăхĕнче вăй хуракансене 4 экземпляр тата Кĕçĕн Таяпари библиотекăна 1 экз. «Хыпар» хаçат çырăнса пачĕ. Ялти вулавăша çỹрекенсем ăна пысăк тав сăмахĕ каласа ĕçре çĕне çитĕнỹсем тума çиреп сывлăх сунаççĕ.