27.01.2018 г. Чăваш театрĕ, тав сана!

К.В. Иванов ячĕллĕ  Чăваш патшалăх академи драма театрĕ 1918 çулхи кăрлач уйăхĕн 27- мĕшĕнче Хусанта çуралнă. Ăна Максимов –Кошкинский пуçарса янă. 1920 çулхи çурла уйăхĕн 20 –мĕшĕнче театр Шупашкара куçнă. Кăçал театр хăйĕн сумлă юбилейне паллă тăвать. Чаплă юбилее халалласа Пысăк Енккасси ял вулавăшĕнче «Чăваш театрĕ, тав сана!» ятлă мероприяти иртрĕ, вулакансем театрăн историйĕпе тĕплĕн паллашрĕç, «Чăваш театрĕ: 100 çул» ятлă кĕнеке куравĕнче вырнаçтарнă кĕнекесем, хаçатсем, буклетсем, тематикăлла папкăсем çынсене тыткăнларĕç. Унта хамăр ентешсен, Раççей тата Чăваш халăх артистки Нина Яковлевăпа Чăваш халăх артисчĕ Ефим Никитин,  пултаруллăхне çутатса паракан материалсем те пысăк вырăн йышăнаççĕ.