Публикации » ПРИЗСЕМШĔН КĔРЕШНĔ

19 декабря 2007 г.

Нĕркеç вăтам шкулĕнче пĕртăван Гладковсен призĕсене çĕнсе илессишĕн республикăри 15-мĕш шашка турнирĕ пулса иртрĕ. Ăмăртăва пурĕ 52 спортсмен хутшăнчĕ. Вĕсенчен иккĕшĕ - шашка вăййин спорт мастерĕн кандидачĕсем Н.Индюков (Комсомольски) тата Н.Федоров (Патăрьел). Шкул ачисенчен А.Николаев (Çĕнĕ Кипеç), Н.Красиловпа А.Тимофеева (Хирти Мăнтăр) çĕнтерỹçĕсем пулса тăчĕç. Хĕрарăмсем те ăмăртура вăй виçрĕç. 1-мĕш вырăна вара Гладковсен пĕртăванĕ Елена Иванова (Шупашкар) йышăнчĕ. Арçынсенчен чи маттурри - Нĕркеç ялĕнче пурăнакан Н.Яковлев. Чи çамрăк спортсменсем хушшинче малти вырăнсене Шупашкарта 2-мĕш класра вĕренекен Диана Ивановăпа Янкасси ялĕнчи Света Алексеева пайларĕç. Çĕнтерỹçĕсене Хисеп грамотисемпе тата куçса çỹрекен кубоксемпе чысларĕç. Турнира хутшăнакансене йĕркелỹçĕсем тутлă апат-çимĕçпе сăйларĕç.

Источник: "Каçал Ен"