15 октября 2007 г.
Мăн Шетмĕре тĕслĕх библиотека уçнăранпа вăхăт нумаях иртмен-ха. Апла пулин те вăл, ялти Совет Союзĕн Геройĕ В. В. Васильев ячĕллĕ вăтам шкул çуртĕнче вырнаçнăскер, çынсен юратнă вырăнĕ пулса тăчĕ.
Ватти-вĕтти те, вăй питтисем те хапăлласа çÿреççĕ вулавăша. Таса та çутă пÿлĕмре вĕсене Раиса Герасимова библиотекарь ăшă кăмăлпа йышăнать, килĕштернĕ кĕнекесене суйласа илме пулăшать, вăл е ку произведенипе паллашма сĕнет. Вăл кунпа пĕрлех тĕрлĕ мероприятисем йĕркелесе ирттерме те хутшăнать, вĕсен сценарийĕсене çырса хатĕрлет, уявсене хăех ертсе пырать. Ку тăрăхри ватăсем, ав, “Тимлĕх” клуб занятийĕсене çÿреме кăмăллаççĕ, унта Раиса Гурьевна çине тăнипе çĕннине, усăллине нумай пĕлеççĕ. Библиотекарь сăнне районти Хисеп хăми çине те кĕртнĕ.
Источник: "Ял пурнăçĕ" (Красноармейская районная газета)