01 апреля 2022 г.
Пурнăçра пирĕн чи малта сывлăх тăрать. Ăна укçалла та илейместĕн. Анчах тепĕр чухне çакна шута илместпĕр. Çавна май Хирти Пикшикри вăтам шкулта 8 б класра "Вилĕме ăçта сутнине пĕлтер!" темăпа калаçу иртрĕ. Л.Садыкова класс ертỹçи наркотик сиенлĕхне, вăл çын организмĕшĕн наркăмăш пулнине, этемĕн нерв системине япăхлатнине ăнланмалла каласа пачĕ. Вĕренекенсене сывă пурнăç хăйсен малашлăх ĕмĕчĕсене пурнăçлама май панине çирĕплетрĕ. Ландыш Наиловна çавăн пекех килте "Дневник баскетболиста" илемлĕ фильм пăхма сĕнчĕ.
Класс ертỹçи наркомансем хушшинче СПИД чирĕ те анлăн сарăлма пултарнине каларĕ.
А. ИВАНОВА
Источник: "Авангард" (газета Батыревского района)