Янтиковский территориальный отдел Яльчикского муниципального округаОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Ялава алăран вĕçертмеççĕ

26 ноября 2021 г.

Ялава алăран вĕçертмеççĕ

«Победа» сахал яваплă общество районти ял хуçалăх предприятийĕсем хушшинче выльăх-чĕрлĕх продукцийĕсене туса илессипе сарăлнă анлă ăмăртура кăçал та чи малти пулас шанăç пысăк.

Хальлĕхе вара 9 уйăхри ĕç кăтартăвĕсене пĕтĕмлетнĕ. Çак тапхăрта ял хуçалăх предприятийĕнче пурĕ 22801 центнер сĕт туса илнĕ. Пĕр ĕнерен, фермипе илсен, 6806 килограмм сĕт сунă. Уйрăм дояркăсен кăтартăвĕсем тата сулмаклăрах. Оксана Жукова, тĕслĕхрен, хăйне çирĕплетсе панă ушкăнри пĕр ĕнерен 7018 килограмм сĕт сунă.

Кунта аш-какай туса илессин кăтартăвĕсем те тивĕçтермелли. Отчетлă тапхăрта пурĕ 1600 центнер ĕне ашĕ туса илнĕ, самăртма хупнă ушкăнри мăйракаллă шултăра выльăхсене пĕр талăкра 869 грамм ÿт хуштарнă. Пысăк кăтартусене çывхартнă ял хуçалăх предприятийĕ куçса çÿрекен ялава илме тивĕçлĕ пулнă. Сăмах май, Николай Головин ертсе пыракан «Победа» сахал яваплă общество хăйĕн çĕнтерÿллĕ ятне çак çулсем тăршшĕпех тивĕçлипе тÿрре кăларать. Сĕт туса илессипе республика шайĕнче тăваттăмĕш çул малти вырăна йышăнни те çакнах çирĕплетет.

Кунта çĕнĕ технологисене ĕçе кĕртесси те ăнăçлăн пурнăçа кĕрет. Çитĕнÿсен вăрттăнлăхĕ, паллах, çакăнта та пулĕ…

Светлана АНАТОЛЬЕВА.

Источник: "Елчĕк Ен"

Мой МирВКонтактеОдноклассники
Система управления контентом
TopList Сводная статистика портала Яндекс.Метрика