12 ноября 2021 г.
Çамрăксем çĕршывшăн, халăхшăн пĕлтерĕшлĕ ĕçсене хутшăнса хастарлăх кăтартни савăнтарать.
Кушкă ялĕнчи Игорь Тихонов кăçал августра иртнĕ Пĕтĕм Раççейри ял хуçалăх тата октябрь-ноябрь уйăхĕсенче йĕркеленĕ Пĕтĕм Раççейри халăх çыравне хутшăнчĕ, шаннă тивĕçе тĕплĕн пурнăçласа ĕçре хăйне ырă енчен анчах кăтартрĕ.
22 çулхи йĕкĕт çак кунсенче Раççей хĕç-пăшалĕн вăйĕсен ретне тăрать. Эпир ăна такăр çул сунса салтак тивĕçне чыслăн пурнăçлама сĕнетпĕр.
Сăмах май, паянхи кун тĕлне районти çыравçăсем халăха çырас ĕçĕсене вĕçленĕ.
А.ПРОХОРОВА,
Елчĕк районĕнчи çырав ыйтăвĕсемпе ĕçлекен
Источник: "Елчĕк Ен"