Публикации » Уй-хирте

09 июля 2021 г.

Çуллахи вăхăтра выльăх апачĕ çителĕклĕ хатĕрлени хĕлĕпе лăпкăн пурăнма май парать. Çакна тĕпе хурса районти хуçалăхсем пикенсех выльăх апачĕ янтăлаççĕ.
Хальлĕхе хуçалăхсем 5142 тонна утă типĕтсе хатĕрленĕ, 7634 тонна сенаж янтăланă. Сенаж хывас енĕпе «Труд», «Слава», «Рассвет» ЯХПКсем, «Дубовка» ООО хĕрсех ĕçлеççĕ. Пĕр çул ÿсекен курăксене хальлĕхе 3434 гектар çинче çулнă. «Восток» ЯХПКра силос хатĕрлес ĕç пырать. Паянхи кун тĕлне 520 тонна симĕс апат хатĕр. Хуçалăхсем выльăх-чĕрлĕх апачĕ вăхăтра хатĕрлес тесе тăрăшаççĕ. Çуллахи вăхăтра кашни кун хаклă пулнине пĕлеççĕ.

Р.БАСНИКОВ

Источник: "Каçал Ен"