21 мая 2021 г.
Пикшикре кану çурчĕ çумĕнче спорт лапамĕ тума пуçланă.
Хура çĕре Иван Никифоров экскаваторпа хырса пĕр çĕре пухнă, хăйăрне тĕксе якатнă. Лапам вырăнĕ 20х15 метрпа танлашать. Çиеле резина витеççĕ. Эпир пынă вăхăтра Альберт Михайловпа Дмитрий Петров хăмаран бордюрсем вырнаçтаратчĕç. «Çак ĕçсене пурнăçлама республика бюджетĕнчен пĕр миллион тенке яхăн уйăрнă. Спорта кăмăллакансен вырăнĕ пуласса шанас килет. Лапамра мини-футболла тата волейболла выляма пулать», — терĕ ял тăрăхĕн пуçлăхĕ Валерий Фомин.
Лев СОЛОВЬЕВ,
общество корреспонденчĕ.
Источник: "Ял пурнăçĕ" (Красноармейская районная газета)