18 марта 2021 г.
Çуркунне çитрĕ. Кайăксем кăнтăр енчен вĕçсе килме тытăнчĕç. Пуш уйăхĕн малтанхи кунĕсенче, авă, çуркунне хыпарçи — курак çитрĕ.
Çанталăк ăшăтса пынă май шăнкăрчсене те кĕтсе илме хатĕрленмелле. Вĕсене йăва çавăрса чĕпĕ кăларма вара вĕллесем кирлĕ. Çавна тĕпе хурса Пикшик вăтам шкулĕнче пуçламăш класра вĕренекен Егор Соловьев ашшĕ пулăшнипе шăнкăрчсем валли «пÿрт» ăсталаса йывăç çине çакрĕ. Халĕ вăл ирсерен чÿречерен тинкерет, кайăксем вĕллене йышăнасса чăтăмсăррăн кĕтет.
Кашни шкул ачи пĕрер вĕлле ăсталасан шăнкăрчсем ирсерен çунат çапса еплерех савăнса юрлĕччĕç.
Лев СОЛОВЬЕВ.
Источник: "Ял пурнăçĕ" (Красноармейская районная газета)