Первомайское сельское поселение Батыревского районаОФИЦИАЛЬНЫЙ САЙТ

Новая страница 1

Новая страница 1Портал районаАдминистрация Батыревского районаbanner
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Кĕперĕ тỹсĕмлĕ, туслăхĕ çирĕп пултăр

13 ноября 2020 г.

 Ушкăн вăйĕ яланах пысăк пĕлтерĕшлĕ. Йышпа пысăк ĕç тума та, савăнăçа пĕрле пайлама та аван. Ку тĕлĕшпе Первомайски ял тăрăхне кĕрекен Тури Пỹртлĕсем ыттисемшĕн ырă тĕслĕх. Çак кунсенче эпир пĕрлехи хавхаланупа пысăк ĕç турăмăр, Колхоз тата Шкул урамĕсене çыхăнтаракан кĕпере тĕпрен юсаса çĕнетрĕмĕр.

аян пурне те пăшăрхантаракан çак ыйтăва чăн малтанах ял старостипе К. Удаловпа сỹтсе явнă хыççăн халăхпа тĕл пулса калаçрăмăр, пĕр шухăш патне тухнă хыççăнах вăхăта вăраха ямасăр икĕ урама çыхăнтарса тăракан кĕпере юсама пикентĕмĕр. Пысăк ĕçе пуçăннă чухне ыйтăвĕсем пĕрин хыççăн тепри тупăнсах тăраççĕ. Е пĕр-пĕр япали çитмест е техника вăйĕ кирлĕ тата ытти те. Районти депутатсен Пухăвĕн депутачĕ Ю. Степанов, Первомайски ял тăрăхĕн пуçлăхĕ В. Федоров, В. Секретов предприниматель вĕсене пĕрлехи вăйпа татса панăран ĕç кал-кал та ăнăçлă пулса пычĕ, кĕпере çийĕнчех тирпейлеме пултартăмăр. В. Ни- китин хăйĕн тракторĕпе пулăшса тăчĕ. Кĕпер тума кар тăнă çынсене, уйрăм хастарсене пĕр шухăшлă пулса пысăк ĕç тунăшăн тав сăмахĕ çеç каласшăн. Ял илемĕ, тирпейлĕхĕ, хăтлăлăхĕ пиртен кашнийĕнчен килет. Эпир пурăнакан пĕчĕк çĕршывăмăр пире хавхалану кỹтĕр, пурне те вăй-хăват çеç хуштăр.

А. ЛАПШИН, ял тăрăхĕн депутачĕ

Источник: "Авангард" (газета Батыревского района)

Мой МирFacebookВКонтактеTwitterLiveJournalОдноклассники
Система управления контентом
429364 Чувашская Республика Батыревский район с.Первомайское, ул.Ворошилова, д.14
Телефон: 8(83532) 65-2-00
TopList Сводная статистика портала Яндекс.Метрика