Публикации » Иван Михопаров, район администрацийĕн пуçлăхĕ: "Троицăра çăвасем çине ан кайăр"

06 июня 2020 г.

Иван МИХОПАРОВ, район  :

- Хальхи вăхăтра пирĕн районта пурĕ 30 çăва. Троицăра район çыннисем тата хăнасем тăванĕсем ĕмĕрлĕх канлĕх тупнă вырăнсене çитсе асăнасси, вилтăприйĕсене тирпейлесси йăлана кĕнĕ. Анчах та кăçал коронавирус инфекцийĕ сарăлас хăрушлăх пысăк пулнăран Троица вăхăтĕнче çăвасем çине кайма чарнă. Çавăнпа та эпĕ район çыннисене тата хăнасене яваплăх туйăмне тĕпе хурса Троицăра килтех юлма чĕнсе калатăп. Хальхи вăхăтра пĕр вырăна йышлăн пухăнни харпăр хăйĕн тата ыттисен сывлăхне сиен кỹни пулать.

Çакăн евĕр чарусем вăхăтлăх пулнине тĕпе хурса пурне те лăпкăлăха упрама, пĕр-пĕрин патне тимлĕ пулма ыйтатăп. 

Источник: "Пирěн пурнăç"