Публикации » Ырă та хавас кăмăл парнелекенсем

24 марта 2020 г.

Çак сăн ỹкерчĕке Ю. Борисов журналист Культура ĕçченĕсен кунĕ умĕн тунă. Унта Трак енри культура тытăмĕнче ĕçлекен хĕр-упраçсен пĕр ушкăнĕ сăнланнă. Шăпах вĕсем пире ырă та хавас кăмăл парнелеççĕ те. Культура ĕçченĕсем хăйсен професси уявĕ умĕн 2019 çулхи ĕç кăтартăвĕсене пĕтĕмлетнĕ. Кану центрĕсем хушшинче пĕрремĕш вырăна Кĕçĕншетмĕсем (В. Петрова) тухнă. Иккĕмĕшпе виççĕмĕш вырăнсене Карайсемпе (К. Иванова) Чатукассисем (В. Егоров) йышăннă. Кану çурчĕсем хушшинче малти виçĕ вырăна Шывпуçсем (Э. Петрова), Тусайсем (Н. Федорова), Крентейкассисем (Г. Яковлева) пайланă. Трак енри библиотекăсем хушшинче Упири вулавăш (Л. Егорова) çĕнтернĕ. Шывпуçсемпе (Л. Егорова) Алманчсем (О. Долгова) иккĕмĕшпе виççĕмĕш пулнă.

Источник: "Ял пурнăçĕ" (Красноармейская районная газета)