Публикации » Творчество ĕçĕсен районти конкурсĕн çĕнтерỹçисем паллă

19 мая 2020 г.

Пĕтĕм тĕнчери ача-пăча шанăç телефонĕпе килĕшỹллĕн апрелĕн 22 - майăн 13-мĕшĕсенче "8-800-2000-122, эпĕ шанакан номер" ятпа ача-пăча сачĕсене çỹрекен тата шкулсенче вĕренекенсем хушшинче творчество ĕçĕсен районти конкурсĕ иртнĕ. Ăна Пĕтĕм Раççейри ача-пăчан шанăç телефонĕ çине тимлĕх уйăрас тата ăна сарас тĕлĕшпе йĕркеленĕ. Нумаях пулмасть унăн кăтартăвĕсене пĕтĕмлетнĕ. Кĕçĕннисем хушшинче Евгения Яковлева ("Çеçпĕл" ача сачĕ) çĕнтернĕ. Анастасия Владимировăпа ("Колосок") Дмитрий Капитонов (Еншик Чуллă шкулĕ, çул çитменнисен ушкăнĕ) призерсен йышне кĕнĕ. 1-4 классем хушшинче Вадим Евграфов (Красноармейски) мала тухнă. Владимир Аркадьевăн, Карина Степановăн (Красноармейски), Дарья Прохоровăн (Карай) ĕçĕсене лайăх енчен хакланă. 5-11 классем хушшинче Мальвина Христофорова (Трак) хăйĕн ĕçĕпе пĕрремĕш вырăна тухнă. Артем Николаевăн (Упи), Валерия Яковлевăн (Красноармейски) ĕçĕсене лайăх енчен палăртнă. Эссе номинацинче Мария Петровăна (Мăн Шетмĕ) çитекенни пулман. Жюри Ирина Романовăн (Алманч) ĕçне лайăх енчен хакланă.