Александровское сельское поселение Комсомольского районаОФИЦИАЛЬНЫЙ САЙТ

                                                                                                                                                                                                                    

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Ял-салара пурăнар-и савăнса…

26 мая 2020 г.

Мĕн туни çинче чарăнса ларас марччĕ, хамăр пурăнакан вырăна малалла та хăтлăлатасчĕ.
Çулсеренех районта обществăлла инфратытăма аталантарас ыйтăва пысăк тимлĕх уйăраççĕ. Ку енĕпе юлашки çулсенче пуçарулăх çинче никĕсленнĕ бюджетпа усă курни чылай çăмăллăх кÿрет. Район администрацийĕн экономика, çĕр тата пурлăх хутшăнăвĕсен пайĕнчен пĕлтернĕ тăрăх, хальлĕхе район территорийĕнче пуçаруллă бюджетпа усă курса пĕтĕмпе 10329 пин тенкĕлĕх 29 проект пурнăçа кĕртмелле. Вĕсенчен 6197,5 пин тенки республика бюджетĕнчен, 2863,1 пин тенки — вырăнти бюджетран, 1268,4 пин тенки — халăхăн тата юридици сăпачĕсен укçи.
Çак проектсемпе ялсенчи çулсене, ача-пăча площадкисене, масарсене, кану вырăнĕсене хăтлăлатма, урамри çутăсене улăштарма палăртнă.
Районти ял тăрăхĕсенче тĕрлĕ проектсем пурнăçланаççĕ. Акă, Хирти Сĕнтĕр ял тăрăхĕнче Янкасси ялĕн урамĕсенчи çутăсене улăштарнă, Нĕркеç ялĕнчи ача-пăча площадкине хута янă, Хирти Ĕнелти юханшыва тасатнă тата 2 проект планра. Хырхĕрри ял тăрăхĕнче 3 проекта пурнăçа кĕртнĕ тата тепĕр проекта пуçăнмалла. Урмаел, Чĕчкен, Аслă Çĕрпÿел ял тăрăхĕсенче 2-шер проект ĕçĕсене вĕçленĕ. Тукай ял тăрăхĕнче 2 проекта хута янă, теприне вĕçлемелле. Шурут ял тăрăхĕнче пĕр проект ĕçе кĕртнĕ тата иккĕ пурнăçланмалла. Александровка, Асанкасси ял тăрăхĕсенче — пĕрер проект. Комсомольски ял тăрăхĕнче 5 проект пурнăçа кĕмелле. Куратăр ĕнтĕ, пуçарулăх çинче никĕсленнĕ бюджетпа чылай ĕç пурнăçлама май пур. Кунта ял тăрăхĕн администрацийĕ вырăнти халăхпа канашласа, пĕр шухăшлă пулса ĕçлени кăна кирлĕ. Тумалли, юсамалли, хăтлăлатмалли вара пур çĕрте те туллиех. Апла пулсан пурнăçланă ĕçсем çинче чарăнса ларас марччĕ, ырă шухăш-тĕллевпе малаллах талпăнса ял-салари вырăнсене хăтлăлатсах пырасчĕ. Пурăнакан тавралăх илемлĕ те таса пултăр.
А.АНТОНОВА

Источник: "Каçал Ен"

Мой МирFacebookВКонтактеTwitterLiveJournalОдноклассники

 
 

Система управления контентом
429152, Чувашская Республика, Комсомольский район, д. Александровка, ул. Комсомольская, д.176
Телефон: 8(83539) 46-2-21, 8(83539) 46-3-00
Факс: 8(83539) 46-3-00
TopList Сводная статистика портала Яндекс.Метрика