Яльчикское сельское поселение Яльчикского районаОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » ЕНТЕШНЕ МАНМАÇÇĔ

12 февраля 2020 г.

Совет çарĕсене Афганистанран илсе тухнăранпа кăçал 31 çул çитет. Тÿскелти культурăпа кану центрĕнче массăллă оборона тата спорт уйăхлăхне халалласа, Юрий Чернов воин-интернационалиста асăнса тĕл пулу иртнĕ.

Республикăри «Доблесть» общество организацийĕ тăрăшнипе йĕркеленĕ мероприятие районти тата республикăри воин-интернационалистсем, ял çыннисем хутшăннă. Пуçтарăннисене ял тăрăхĕн пуçлăхĕ Алина Смирнова, «Доблесть» организацин ертÿçи Владимир Яковлев, хĕрÿ точкăсенче çапăçнă ветерансен районти уйрăмĕн председателĕ Петр Анисимов саламланă.

– Çакăн евĕр мероприятисем йĕркелени çамрăксене патриотла воспитани парас ĕçре витĕмлĕ вăй пулса тăрать. Афганецсене халалланă мероприятисем ку уйăхра тата та пулаççĕ. Февралĕн 15-мĕшĕнче Елчĕкри тĕп вулавăшра районти афганецсен тĕл пулăвĕ, февралĕн 16-мĕшĕнче Кивĕ Эйпеç шкулĕнче Ю.Григорьева асăнса баскетбол турнирĕ, февралĕн 22-мĕшĕнче А.В.Игнатьев ячĕллĕ «Улăп» физкультурăпа сывлăх комплексĕнче хĕрÿ точкăсене хутшăннă ветерансен тата вĕсен çемйисен республикăри VII фестивалĕ иртет. Мероприятисем 10 сехетре пуçланаççĕ, унта пурне те кĕтетпĕр, – палăртнă Петр Анисимов.

Кунтах дартс, сĕтелçи теннисла, шашкăлла выляс енĕпе тата спортăн ытти тĕсĕсемпе ăмăртусем иртнĕ. «Шуçăм» фольклор коллективĕ тĕл пулăва хутшăннисене юрă-ташăпа савăнтарнă.

                                                                                                                                                                                                                                                        Е.ПЕТРОВА.

 

Источник: "Елчĕк Ен"

Мой МирFacebookВКонтактеTwitterLiveJournalОдноклассники
Система управления контентом
TopList Сводная статистика портала Яндекс.Метрика