Публикации » Евгений Дмитриев — иккĕмĕш

23 января 2020 г.

ЧР Физкультурăпа спорт министерствин олимп резервĕсем хатĕрлекен 3-мĕш №-лĕ спорт шкулĕн çăмăл атлетсен манежĕнче Атăл çи федераци округĕн чемпионачĕпе ăмăртăвĕ пулса иртнĕ. Виçĕ кун хушшинче парнесемшĕн Раççейĕн 19 регионĕнчи 848 çăмăл атлет тупăшнă. Чăваш Ен спортсменĕсем тупăшусенче 12 ылтăн, 11 кĕмĕл тата 9 пăхăр медаль çĕнсе илнĕ. Республикăн пĕрлештернĕ командишĕн Трак ен спортсменĕсем те вăй виçнĕ: Сергей Анисимов (20 çулчченхи çамрăксем хушшинче 400 м), Сергей Спиридонов (3000 м), Александр Васильев (800 м, 1500 м), Евгений Дмитриев (1500 м, 3000 м). Е. Дмитриев 1500 м чупса кĕмĕл медаль çĕнсе илнĕ.