15 ноября 2019 г.
Чăваш Республикинчи Вĕрентÿ институчĕ «Дружи с финансами» конкурс итогĕсене пĕтĕмлетнĕ. Ăна ачасен, çул çитмен тата ытти çамрăксен финанс пĕлĕвне ÿстерес, укçа-тенкĕпе тĕллевлĕ те перекетлĕ усă курма вĕрентес, пултарулăха аталантарас тĕлĕшпе йĕркеленĕ.
Конкурса 1200 ĕç тăратнă. Тĕрлĕ номинацисенче çĕнтерÿçĕсемпе призерсен йышне кĕнĕ 255 участника дипломсемпе хавхалантарнă. «Асамат кĕперĕ» ача садĕнчи Надежда Егоровна Ивановапа Марина Николаевна Петрова воспитательсем те вĕсен хушшинче. «Конкурс сценариев занятий и мероприятий для воспитателей и педагогов» номинацире лайăх енчен палăртнă вĕсен ĕçне.
Источник: "Ял ĕçченĕ"