20 сентября 2019 г.
Çак кунсенче Алманч ял тăрăхне кĕрекен Шывпуç ялĕнчи ĕç ветеранĕ Александра Романовна Романова 95 çул çитнине паллă турĕ. А. Романова 1924 çулта çуралнă. Кун-çулне ял хуçалăхĕпе çыхăнтарнă. Тăван “Восток” хуçалăхра тăрăшнă, чылай наградăна тивĕçнĕ. А. Романовăна юбилей ячĕпе Алманч ял тăрăхĕн пуçлăхĕ В. Долгов, Алманч ял тăрăхĕн Пухăвĕн депутачĕсем С. Капитоновăпа Э. Петрова, Шывпуçĕнчи кану цетрĕ çумĕнчи пултарулăх коллективĕ саламларĕç. В. Долгов ватăна РФ Президенчĕн Тав çырăвне пачĕ, асăнмалăх парне кỹчĕ. Вырăнти артистсем савăк юрăсем шăрантарчĕç.
Источник: "Ял пурнăçĕ" (Красноармейская районная газета)