Публикации » Атнарти культура ҫуртĕнче Николай Сидоров пьеси тăрăх «Виҫĕ хĕре пĕр каччă» спектакль лартнă.

25 октября 2019 г.

Республикăри театр пултарулăхĕн «Асамлă чаршав» фестиваль программипе килĕшӳллĕн К.В.Иванов  ячĕллĕ Чăваш патшалăх академи драма театрĕн актерĕсене Ирина Садовниковăпа  Николай Булаткина асра тытса Атнарти культура ҫуртĕнче Николай Сидоров пьеси тăрăх «Виҫĕ хĕре пĕр каччă» спектакль лартнă. Спектакль телей шыракан ял ҫамрăкĕсем ҫинчен. Марук /Екатерина Данилова /, Верук /Екатерина Князева/ тата Тарук /Галина Ванягина/ пĕр каччăнах – Модеса /Николай Майоров/ - юратаҫҫĕ. Камит ăнăҫлă вĕҫленет: Марук-Сахруна, Верук-Модеса, Тарук Яков Яклаковича качча тухать. Пурте телейлĕ. Спектакль умĕн ял халăхне Атнар вулавăшĕнче ĕҫлекен Ангелина Козлова хатĕрленĕ Асамлă чаршав» презентаципе паллаштарнă.   

Роза Власова хатĕрленĕ

Источник: "Хыпар"