24 сентября 2019 г.
Пушар - хăрушă инкек. Вăл нимсĕр хăварать, пурлăха та шеллемест. Çавăнпа та тимлĕхе çухатмалла марах. Çавна тĕпе хурса ачасене мĕн пĕчĕкрен асăрхануллă пулма вĕрентетпĕр, инкеке лексен хăйсене мĕнле тытмаллине ăнлантаратпăр. Ку хутĕнче шкула каймалли ушкăна çỹрекенскерсене пушар хуралĕн чаçне экскурсине илсе кайрăмăр. Кунта çитĕнекен ăру ĕçре усă куракан техникăпа паллашрĕ. Пушар хуралĕнче ĕçлекенсем хăйсен ĕçĕ пирки каласа пачĕç, ачасене вут-кăварпа асăрхануллă пулмаллине каларĕç. Хăшĕсен ỹссе çитсен аслисем пек çакăнта ĕçлес шухăшĕ те çуралчĕ. Экскурси пурин кăмăлне те кайрĕ.
Т. ГЕРАСИМОВА, Первомайскинчи "Шуçăм" ача сачĕн воспитателĕ
Источник: "Авангард" (газета Батыревского района)