10 сентября 2019 г.
Алманчри ялти вулавăшра икĕ хут Совет Союзĕн Геройĕ, СССР летчик-космонавчĕ А.Г. Николаев çуралнăранпа 90 çул çитнине халалласа “Чăваш ятне вăл уçлăха çĕкленĕ” ятлă кĕнекесен куравне йĕркеленĕ. Вĕренекенсем вĕсемпе туллин паллашаççĕ. 5-мĕш класра вĕренекенсем Чăваш Республикин Наци библиотекин электронлă вулав залне çитсе курнă. Вĕсем кунта сентябрь уйăхĕнчи “ЧР электронлă бибилотекăн хыпарĕсемпе” паллашнă. Кунта шăпах А.Г. Николаев летчик-космонавт пирки чылай çĕннине пĕлме пулать. Электронлă коллекцинче фотодокументсем, аса илỹсем, паллă космонавт çинчен çырнă кĕнекесем, вĕçеве йĕркелесе тăнă центрта хатĕрленĕ репортажсем пур. Ачасем вĕсемпе туллин паллашнă. Эпир А. Николаев летчик-космонавтпа мухтанатпăр тата савăнатпăр.
Источник: "Ял пурнăçĕ" (Красноармейская районная газета)