14 сентября 2019 г.
РАЙОН администрацийĕ çумĕнчи çул çитменнисен ĕçĕпе тата вĕсен правине хỹтĕлес тĕлĕшпе ĕçлекен комиссин сентябрьти черетлĕ ларăвĕнче 7 ĕç пăхса тухрăмăр, вĕсенчен улттăшĕ ашшĕ-амăшĕ ачисене тивĕçлĕ воспитани парайманнипе çыхăннă. Комиссие район администрацийĕн пуçлăхĕн çумĕ А.Чамеев ертсе пычĕ, ун ĕçне Н.Ендиеров, Н.Мазякова, Е.Кудряшова, Н.Чувашов, А.Вазанов, И.Антонова, С.Кузьмин, Е.Павлова комисси членĕсем тата Шăмăршă районĕн прокурорĕ А.Михайлов хутшăнчĕç.
Ларура пăхса тухнă ĕçсем тăрăх РФ Административлă право йĕркин кодексĕпе килĕшỹллĕн (5.35 статья «Неисполнение или ненадлежащее исполнение родителями или иными законными представителями обязанностей по содержанию, воспи- танию, обучению, защите прав и интересов несовершеннолетних») йышăну кăлартăмăр: штраф тỹлеттермелле турăмăр, пĕр çемьене учета илтĕмĕр.
Комиссин тĕп тĕллевĕ ачасене е ашшĕ-амăшне айăпласси мар. Кашни çемье хăйĕн ачисене аталанма кирлĕ условисемпе тивĕçтертĕр, тĕрĕс воспитани патăр тесе тăрăшатпăр.
О.ЗАХАРОВА, район администрацийĕ çумĕнчи çул çитмен ачасен правине хỹтĕлес енĕпе ĕçлекен комисси секретарĕ.
Источник: "Шăмăршă хыпарĕ"