27 августа 2019 г.
Чечен Республикинче службăра тăнисене чысласси Шĕмшеш тăрăхĕнче ăнăçлă пулса пырать. Акă иртнĕ кунсенче те кунта пурăнакансем Чечен вăрçинче çапăçса пуçне хунисене аса илнĕ, контрактпа салтакра пулнисене тата паянхи кун та çар службине вĕри точкăсенче ирттерекенсене сума суса тĕп лапамри палăк патĕнче пухăннă. Ял тăрăхĕн пуçлăхĕ Вячеслав Марков Чечен çĕрĕ çинче вăрçăра, службăра пулнисем, хальхи вăхăтра та çар тивĕçне унта пурнăçлакансем хăюлăхпа паттăрлăх тĕслĕхĕ, Тăван çĕршыва сыхласси кашни гражданинăн тивĕçĕ пулнине палăртнă. Йăлана кĕнĕ тăрăх, пухăннисем футболла вылянă.
Источник: "Пурнăç çулĕпе" Аликовская районная газета