Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » ÇАМРĂК АРМЕЕЦСЕНЕ ЧЫСЛАНĂ

18 мая 2019 г.

Майăн 16-мĕшĕнче районта Пĕрлехи информаци кунĕ иртрĕ. Ертÿçĕсем ял тăрăхĕсенчи ĕç коллективĕсемпе, ял халăхĕпе тĕл пулнă май кун йĕркине кĕртнĕ тĕп темăсене тишкернĕ: Чăваш Республикин Министрсен Кабинечĕн 2018 çулхи ĕçĕ-хĕлĕн кăтартăвĕсем, çуллахи каникул вăхăтĕнче ачасен канăвне тĕрĕс йĕркелесси, çурхи уй-хир ĕçĕсене ирттересси. Пушар хăрушсăрлăхĕн йĕркисене пăхăнас ыйту та çивĕччисен шутĕнче пулнă.

Район администрацийĕн пуçлăхĕн пĕрремĕш çумĕ – райадминистрацин вĕренÿпе çамрăксен политикин пайĕн начальникĕ Леонард Левый, Роспотребнадзорăн Чăваш Республикинчи управленийĕн Патăрьелĕнчи территори пайĕн начальникĕ Оксана Такмакова Кĕçĕн Таяпа вăрманĕнче виçĕ куна пынă район шайĕнчи «Зарница» тата «Орленок» вăййисен финалне хутшăннă. Ертÿçĕсем вĕренекенсене ырлăх-сывлăх, ăнăçусем суннă, çĕнтерÿçĕ командăсене чысланă. Çамрăк армеецсене Чăваш Республикин Çар комиссариачĕн Комсомольски тата Елчĕк районĕсен уйрăмĕн начальникĕ Сергей Данилов та саламланă.

Хĕрÿ тупăшура пĕтĕмĕшле пĕлу паракан тĕп шкулсен командисен хушшинче Елчĕк, Аслă Таяпа, Кивĕ Эйпеç шкулĕсем, вăтам шкулсен хушшинче Елчĕк, Курнавăш, Çирĕклĕ Шăхаль шкулĕсен командисем малти вырăнсене йышăннă. Икĕ ушкăнра та çĕнтернĕ Елчĕк шкулĕн команди район чысне республика шайĕнче хÿтĕлĕ.

Пушар асăрхавĕн Елчĕк районĕнчи уйрăмĕн инспекторĕ Сергей Сардаев тата Елчĕкри 44-мĕш номерлĕ пушар хурал чаçĕн начальникĕ Василий Григорьев çак кун Аслă Елчĕк ял тăрăхĕн халăхĕпе курнăçнă.

Источник: "Елчĕк Ен"

Мой МирВКонтактеОдноклассники
Система управления контентом
TopList Сводная статистика портала Яндекс.Метрика