26 апреля 2019 г.
ЮХМАПА Пăла тăрăхĕнче общество пурнăçĕшĕн, ял, район аталанăвĕшĕн чун-чĕререн тăрăшакан хастарсем сахал мар. Вĕсенчен пĕри - Ишлĕ ял тăрăхне кĕрекен Пăлапуç Нурăсĕнче пурăнакан Р. Гладкова староста. Римма Петровна тивĕçлĕ канура пулин те ял илемĕшĕн, тирпейĕшĕн, халăх ырлăхĕшĕн ырми-канми тăрăшать. Уйрăм çынсен йывăрлăхне, хуйхи-суйхине, савăнăçне яланах пĕрле пайлать вăл. Çак тĕллевпе староста вырăнти влаçпа тачă çыхăну тытать. Ахальтен мар ĕнтĕ районта Вырăнти хăй хытăмлăх кунĕ ячĕпе йĕркеленĕ уявра Римма Гладковăна Чăваш Республикинчи муниципаллă пĕрлĕхсен ĕç тăвакан комитет ертỹçи Станислав Николаев "Чăваш Республикинчи ялти чи лайăх староста" хисеплĕ ята тивĕçнипе саламларĕ.
Источник: "Авангард" (газета Батыревского района)