Шыгырданское сельское поселение Батыревского районаОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » "Цифра" çине куçатпăр

12 апреля 2019 г.

Апрелĕн 15-мĕшĕнче Чăваш Ен аналоглă телекуравран цифрăлли çине куçать. Малашне республикăра пурăнакансем, вăл шутра пирĕн районта та, тỹлевсĕр 20 канал пăхма пултараççĕ. 2013 çулччен кăларнă "сенкер экрансемпе" передачăсене курма ятарлă приставка тата дециметрлă антенна кирлĕ пулать. Çĕннисем цифрăллă эфир телеканалĕсене йышăнма хатĕр, вĕсене дециметрлă антенна çумне кабельпе çеç сыпăнтармалла.

Районти халăх цифрăллă телекурава куçма хатĕр-и? Çакна пĕлес тĕллевпе Юхмапа Пăла тăрăхĕнчи пур уйрăм хуçалăха тĕрĕсленĕ. Тĕпченисенчен 9930-шĕ (72,5 процент) спутник антеннипе, 2959-шĕ (21,5) цифра приставкипе тата DVB-T2 телевизорпа, аналоглă сигналпа 820-шĕ (6 процент) усă курать. 700 хуçалăх цифра куравĕ çине çак кунсенче куçнă. Аналоглă телевидени пуррисем патне цифра çине куçмаллине пĕлтерсе çырнă хутсене тата оборудовани туяннăшăн паракан пулăшу пирки информаци çитернĕ.

Аслă çултисене цифрăллă курав çине куçма кирлĕ хатĕрсене вырнаçтарма ятарласа вĕреннĕ 92 волонтер пулăшать. Волонтерсене чĕнсе илес тесен ял тăрăх администрацине пĕлтермелле е "хĕрỹ линие" шăнкăравламалла. Консультаци илес текенсем (8352) 26-11-11 телефонпа шăнкăравласа ыйтма пултараççĕ. Специалистсем тĕплĕн ăнлантарса параççĕ. Хальхи вăхăта районта пурăнакан икĕ çын "хĕрỹ линипе" çыхăннă. Вĕсем патне волонтерсене янă. Районти социаллă хỹтлĕх пайне оборудовани туяннăшăн паракан компенсаци пирки пĕр çын ыйтса çырнă.

Цифра телекуравĕ тата ун çине куçмалли йĕрке пирки район администрацийĕн сайтĕнче ятарлă баннер пур.

О. ПАВЛОВА

Источник: "Авангард" (газета Батыревского района)

Мой МирВКонтактеОдноклассники
Система управления контентом
429360 Чувашская Республика Батыревский района с.Шыгырдан, ул.Ленина, д.37
Телефон: 8(83532) 63-2-37
TopList Сводная статистика портала Яндекс.Метрика