23 ноября 2018 г.
«Радуга» ача сачĕн воспитанникĕсен кăмăл-туйăмĕпе харпăр хăй проблемисене тивĕçлĕ витĕм кÿрессине аталантарса пыма, вĕсене ăнăçлăрах коррекцилеме май килтĕр тесе ача садĕнчи сенсорлă пÿлĕмре психологи занятийĕсем йĕркелесе ирттерессине пысăк тимлĕхе хураççĕ.
Сенсорлă пÿлĕм куç, итлев, шăршă органĕсем тата вестибулярлă рецепторсем çине ырă витĕм кÿрекен тĕрлĕ йышши нумай стимулятортан тăракан вырăн пулса тăрать. Асăннă пÿлĕмре хăтлă лару-тăру, кунта ачасем хăйсене хÿтлĕхре, хăрушсăрлăхра пулнине, хăйсемшĕн лайăххине, ăшпиллĕхе туяççĕ. Ачасен психики пăсăласран сыхланма тата ăна йĕркелеме, вĕсен организмĕн вăй-халне тата интеллектуаллă активлăхне, харпăр хăйне шанаслăхне ÿстерме, кăмăл-туйăмпа харпăр хăйне тытаслăха, усăллă ĕç-хĕлпе конструктивлă хутшăнусене, шухăшлавпа тимлĕхе, ăс-хакăла, калаçăва аталантарма май парать.
Источник: "Ял ĕçченĕ"