Бахтигильдинское сельское поселение Батыревского районаОФИЦИАЛЬНЫЙ САЙТ

Новая страница 1

Новая страница 1Портал районаАдминистрация Батыревского районаbanner
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » "Аттепе анне пулсассăн пуринчен эпир пуян"

28 декабря 2018 г.

теççĕ Ишлĕри Красновсен ачисем. Василий Егорович 1939 çулхи январĕн 3-мĕшĕнче çуралнă. Вăрçă хыççăнхи ача чухнехи выçлă-тутлă самантсене куççуль витĕр аса илет вăл. 18 çул тултарсан çар ретне тăрать В. Краснов. Ракетчик пулса 3 çул та 3 уйăх службăра пулать. Салтакран килсен механизаторта ĕçлет. Ялти сумлă çынсенчен пĕри вăл. 48 çул ĕç стажĕ пухнă.

1962 çулхи кĕр мăнтăрĕпе ялти чипер те ĕçчен, пилĕк таран вăрăм çивĕтлĕ Санюк ятлă хĕре качча илет. Вĕсен те çемйи пысăк пулнă. 1942 çулта, ашшĕ вăрçăра вилнĕрен, мăшăрĕ 4 хĕрĕпе тăрса юлнă. Пĕринчен тепри пĕчĕк пулнă тата. Хăйне, окоп чавма илсе кайнă.

Санюк ĕçре малта пыраканскер пулнă. Ĕç стажне 52 çула çитернĕ. Сăмах май, вăл та январĕн 16-мĕшĕнче çуралнă кунне паллă тăвать.

6 ача çуратса ỹстернĕ Красновсем. Пурне те тивĕçлĕ пĕлỹ панă. Мăшăрлантарнă. 11 мăнукĕпе, 5 кĕçĕн мăнукĕпе аслашшĕпе асламăшĕ, кукашшĕпе кукамăшĕ савăнса пурăнаççĕ.

Çĕршывăн тĕрлĕ кĕтесĕнче пулин те тăван киле манмаççĕ ăрăва малалла тăсакансем. Ашшĕпе амăшне çуралнă кунĕсемпе саламласа ырлăх-сывлăх, канлĕ ватлăх, вăрăм ĕмĕр, тулли телей сунаççĕ. Вĕсем пурришĕн чунтан савăнаççĕ. Хăйсене пурнăç çулĕ çине кăларнăшăн, паян та пулăшса пынăшăн тав тăваççĕ.

Источник: "Авангард" (газета Батыревского района)

Мой МирВКонтактеОдноклассники
Система управления контентом
429365 Чувашская Республика Батыревский район д.Бахтигильдино,ул.Школьная,д.40
Телефон: 8(83532) 6-50-32
TopList Сводная статистика портала Яндекс.Метрика