Туруновское сельское поселение Батыревского районаОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Чиркỹ уявĕнче - икĕ архиерей

13 ноября 2018 г.

Тăрăнти святитель Николай ячĕпе хисепленекен районти чи ватă чиркỹре çулленех кĕçĕн престол уявĕ пысăк çĕкленỹпе иртет. Кăçал та çаплах пулчĕ.

Димитрий Солунский святой ячĕпе иртекен престол уявне халăх йышлă пухăнчĕ: священниксем, монахсем, чиркỹ çыннисем, Турра ĕненекен ватăсемпе çамрăксем. Икĕ архиерей - Варнава митрополитпа Феодор епископ - уява хутшăнни унăн пĕлтерĕшне ỹстерчĕ. Хаклă хăнасене çăкăр-тăварпа, чечексемпе, кавирсем сарса, чан çапса кĕтсе илчĕç. Йĕри-тавра çуртасемпе лампадкăсем çутрĕç.

Кĕлĕ вăхăтĕнче Шупашкарти кафедраллă соборĕн кĕçĕн хорĕ юрлани пурин кăмăлне те çĕклентерчĕ. Типĕ тытнисем Туррăн таса парнисене ăша илчĕç. Петр Федоров протоиерей уяв историйĕ çинчен проповедь каларĕ.

Уяв ячĕпе молебен тунă хыççăн чиркĕве пухăннисене Варнава митрополитпа Феодор епископ саламларĕç, Турă хушнă пек пурăнма ырлăх-сывлăх сунчĕç.

Уяв чиркỹ чанĕсен янравлă кĕввипе вĕçленчĕ.

Л. ЛЯЛЬКИН

Источник: "Авангард" (газета Батыревского района)

Мой МирВКонтактеОдноклассники
Система управления контентом
429350 Чувашская Республика Батыревский район д.Малое Батырево, ул.Крепкова,д.1
Телефон: 8(83532) 62744
TopList Сводная статистика портала Яндекс.Метрика