19 октября 2018 г.
Мăн асаттесемпе асаннесем çулталăкри мĕнпур уява йăла-йĕркепе çыхăнтарса ирттернĕ. Кĕркунне тата хĕлле ĕçрен пушаннă çамрăксем лармана пухăннă. Çулсем кайнăçемĕн вĕсем манăçма пуçланине пытарма кирлĕ мар ĕнтĕ. Çамрăксене тури чăвашсен авалхи юррисемпе, ваттисен сăмахĕсемпе, йăли-йĕркипе паллаштарас тесе Ишпарайккăри ял библиотекинче «Ялти çуртри лармара» фольклор уявне ирттертĕмĕр. Çак мероприятие вулавăша çÿрекен тĕрлĕ ÿсĕмри çынсене явăçтартăмăр. Вулав залне ку чухне ялти авалхи çурт пек илемлетрĕмĕр, тĕрĕллĕ ал шăллисем çакрăмăр, ача сăпки валли те вырăн уйăртăмăр. Хамăр вара чăваш тумне тăхăнтăмăр. Уяв валли хатĕрленĕ кĕнеке куравĕ те пурне те килĕшрĕ.
Альбина СЕМЕНОВА, библиотека заведующийĕ.