Устаревшая версия сайта

Новый информационный ресурс доступен по адресу http://krchet.cap.ru/

 

 

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Эп паян - инспектор

17 октября 2018 г.

Октябрĕн 1-мĕшĕнчен тытăнса республикăра гражданла оборона уйăхлăхĕ пырать. Çавна май вĕренỹ учрежденийĕсенче тĕрлĕ мероприятисем йĕркелеççĕ.

Иртнĕ эрнекун "Хĕвел" ача садĕнчи шкула кайма хатĕрленекен ушкăна çỹрекен ачасем те Кристина Мидейкина воспитатель ертсе пынипе Шалти ĕçсен министерствин Çĕмĕрлери районсем хушшинчи уйрăмĕн çул-йĕр хăрушсăрлăх инспекцийĕн инспекторĕпе, полицин лейтенанчĕпе Александр Герасимовпа тĕл пулчĕç.

Çул-йĕрпе патруль службин инспекторĕн ĕç вăрттăнлăхĕсемпе паллашнă май ачасем çул-йĕр правилисене епле пĕлнине викторинăна хутшăнса тĕрĕслерĕç. Çавăн пекех çул-йĕр инспекторĕ çуран утакансен ятарлă каçă урлă кăна каçмаллине, ун чухне тимлĕ пулмаллине, машина çинче ятарлă кресло çинче лар-маллине тата пиçиххипе çыхăнмаллине асăрхаттарса ăнлантарчĕ. Ачасем те ăна пулăшса пычĕç, хăйсем мĕн пĕлнине хушса каларĕç.

Полицин лейтенанчĕ килекен машинăна чарса водителĕн докуменчĕсене тĕрĕсленине курни те ачасемшĕн асра юлĕ. Вĕсем интересленсех сăнарĕç. Унтан инспекторăн формипе тата ăна ĕçлеме пулăшакан хатĕрсемпе çывăхрах паллашрĕç. Çул-йĕрпе патруль службин инспекторĕпе сывпуллашнă май ачасем малашне çул-йĕр правилисене яланах пăхăнма шантарчĕç.

Н.МИДАКОВА.

Источник: "Пирěн пурнăç"

Мой МирFacebookВКонтактеTwitterLiveJournalОдноклассники

 

Информационное наполнение сайта:
сектор информационных ресурсов администрации Красночетайского района

 

           

 

 

Система управления контентом
429040, с. Красные Четаи, пл.Победы, д.1
Телефон: 8(83551) 2-16-61
Факс: 8(83551) 2-16-76
TopList Сводная статистика портала Яндекс.Метрика