2018 çул архив тытăмĕнче ĕçлекенсемшĕн пĕлтерĕшлĕ çул шутланать - Раççейĕн архив службине туса хунăранпа 100 çул çитет, Чăваш Республикин архив служби 95 çул тултарать, район архивĕ - 85 çул.

Паянхи кун район архивĕнче 20 пин ытла единица документ упранать, вĕсенчен 8 пин ытла докуменчĕ организацисенчи уйрăм çын-сене пырса тивет. Çак хутсене упрассишĕн пурĕ архивра тăрăшакан икĕ çын яваплă.

Архиври документсем тăрăх район историне пĕлме пулать - чылай документ 50-75 çул хушши упранать. Кăçалхи пĕрремĕш çур çулта пирĕн пата социаллăправо енĕпе 775 ыйту килчĕ. Саккунпа пăхса хунă сроксенче эпир вĕсенчен 711-шне пурнăçларăмăр.

Хальхи вăхăтра архив унччен килнĕ документсене упрассипе кăна мар, паян ĕçлекен районти 43 организаципе те тачă çыхăнса тимлет. Эпир организацисенчи делопроизводительсене упрамалли документсене мĕнле хатĕрлемеллине вĕрентетпĕр, сĕнỹсем паратпăр.

Елена ТВЕРСКОВА, райадминистрацин архив ĕçĕсен заведующийĕ.