Публикации » 90 çул – чикĕ мар

24 августа 2018 г.

ÇАК кунсенче Канаш паççулкинче пурăнакан Виргения Александровна Григорьева 90 çулхи юбилейне паллă турĕ. Вăл хăйĕн ĕмĕрĕнче сахал мар хура-шур курнă, ĕç тата тыл ветеранĕ ятсене тивĕçнĕ. Мăшăрĕпе 8 ача çуратса ỹстернĕ, пурне те пурнăç çулĕ çине кăларнă. 
Ĕмĕрĕпех колхозра тăрăшса ĕçленĕ Виргения аппа. Халĕ те килте ĕçсĕр ларасшăн мар - кĕçĕн ывăлĕн çемйипе пурăнать вăл. Юбилей ячĕпе ветерана Шăмăршă ял тăрăхĕн пуçлăхĕ А.Удин саламларĕ, телейлĕ ватлăх сунчĕ. Пĕрлех Раççей Президенчĕн В.Путинăн саламлă çырăвне те вуласа пачĕ. Чăннипех те телейлĕ кинемей вăл, унăн 8 ачи те сывлăхлă, çемьеллĕ. 
Эпир те хисеплĕ Виргения Александровнана ырлăх-сывлăх сунатпăр. 
О.МЕРДЕЕВА.