17 августа 2018 г.
Ял çыннисене пушă вăхăта усăллă ирттерме условисем туса парас, çурта лайăх тытса тăрас тĕллевпе культура ĕçченĕсем çуллахи вăхăтра çÿлленех юсав ĕçĕсене пурнăçлама тăрăшаççĕ.
Кăçал Юманлăхри клубра ĕçлекенсем пуçарулăх кăтартнă. Чÿречесене сăрланă, çурт тăррине юсанă. Ку ĕçсене пурнăçлама Юманлăх тата Тури Карачура ялĕсенче пурăнакансем - Владимир Михайлов, Сергей Сергеев, Даниил Семенов, Вячеслав Петровский, Сергей Ижуткин, Юрий Чернов, Александр Волков, Светлана Семенова пулăшнă. Вĕсем иртен пуçласа каçчен тăрăшнă. Юсав хыççăн ялти клуба çĕнĕ сăн кĕнĕ.