Публикации » Ырă ĕç тăвакансен çулталăкĕнче яваплă "лава" кỹлĕннĕ

26 июня 2018 г.

Тăрăн ялĕнче пурăнакан П. Самакин ĕç ветеранĕ Юхмапа Пăла тăрăхĕнче 17 çул тĕп агроном пулса ĕçленĕ. Чăваш Республикин тава тивĕçлĕ агрономĕ хуçалăхсенче пысăк тухăçлă тыр-пул тата пахча çимĕç туса илес, вырăнти çĕр хуçисене кирлĕ сĕнỹпе пулăшас тĕллевпе сахал мар тар тăкнă. Петр Васильевич паян саккăрмĕш теçеткене ваклать пулин те пушă вăхăта усăсăр ирттермест. Ырă ĕç тăвакансен çулталăкĕнче çак хастар творчество шайĕнче пысăк ĕçе пикеннĕ. Хальхи вăхăтра вăл республика тата Раççей шайĕнче хăйĕн пек тава тивĕçлĕ агроном ята илнисен çемье пурнăçĕ, çитĕнĕвĕсем пирки кĕнеке кăларма хатĕрленет. Вĕсем пирĕн районта 17-ĕн. Пулас кĕнеке авторне сĕнỹ-канашпа е паха материалпа пулăшас текенсем 8-965-689-21-55 телефон номерĕпе шăнкăравлама пултараççĕ.

Источник: "Авангард" (газета Батыревского района)