15 июня 2018 г.
Çак кунсенче районти халăха социаллă хỹтлĕх паракан центр специалисчĕсемпе район администрацийĕн çул çитмен ачасемпе ĕçлекен сектор заведующийĕ Л. Комиссарова Аслă Чемен, Шăхач, Турхан, Çĕнĕ Ахпỹрт, Туçа ял тăрăхĕсенче пулса йывăр çемьере воспитани илекен ачасен пурнăç условийĕпе кăсăкланнă, çуллахи каникул вăхăтĕнче çул çитмен ачасен вăхăтне усăллă та ăнăçлă ирттерес тĕлĕшпе калаçусем ирттернĕ. Ведомствăсем хушшинчи комиссин тĕп тĕллевĕ _ йывăр шăпаллă çемьесенче воспитани илекен ачасене преступлени çулĕ çине тăрассинчен асăрхаттарасси, вĕсене ăс-тăн, сывлăх тĕлĕшĕнчен аталанма пулăшасси. Çуллахи каникул вăхăтĕнче кун пек рейдсем малашне те пулĕç.
Сăмах май каласан, паянхи куна пирĕн районта йывăр шăпаллă, ăнăçсăр 55 çемье шутланать, вĕсенче çул çитмен 129 ача çитĕнет.
Источник: "Авангард" (газета Батыревского района)