Публикации » Çул-йĕре пăхса тăраççĕ

15 июня 2018 г.

Кĕçĕн Тăван ялне кĕрекен Томкино урамĕ кĕскех мар. Унăн пĕр пайне асфальт çул та сарнă. Малаллахи çулĕ вара йĕпе-сапара чăрмав кÿрет. Иртнĕ çулсенче Владимирпа Александр Матьяновсем çине тăрса асфальт çулран пуçласа тÿрем урамăн пĕр пайне те хăйсем тĕллĕн хăпартнă. Шыв юхмалла та тунă. Анчах ăна та пăхса тăмалла-çке. Çавăнпа та иртнĕ кунсенче кунта пурăнакан хастар та пуçаруллă каччăсемех тăрăшнипе асăннă çула тепĕр хут хытарма тĕллев лартнă. Вĕсен шухăшне К.Прокопьев, П.Михайлов, В.Федоров тата ыттисем те ырланă. Çавна май пурте пĕрле çул-йĕре асфальт сармалли вĕтĕ массăран хытарса тухнă. Техника тĕлĕшĕнчен те тăван ялăн малашлăхĕшĕн çунакан ĕçчен çамрăксемех пулăшу кÿнĕ.

А.ПЕТРОВА.