05 июня 2018 г.
Чăваш Ен Пуçлăхĕ Михаил Игнатьев Чăваш Республикин Патшалăх Канашне янă Çырăвĕн- че çул-йĕр ыйтăвне пысăк пĕлтерĕше хунă. “Пурнăçăн хăтлă условийĕсене лайăх пахалăхлă автомобиль çулĕсемсĕр йĕркелеме май çук. Эпир федерацин çул-йĕр хуçалăх ĕçĕнчи программисене хастарлăн хутшăнатпăр, вĕсен шайĕнче, сăмахран, ял çĕрĕнчи халăх пурăнакан вырăнсенче çул тăвас ĕç пурнăçланать”, - тенĕ вăл.
Йăнтăрчă ял тăрăхĕн территорийĕнче урамсене тирпей-илем кĕртес, юсаса тикĕслес енĕпе ĕçсем малалла пыраççĕ. Çимĕк умĕн Улянкăпа Йăнтăрчăра автогрейдерпа урамсенчи шăтăк-путăксене тикĕслесе тухнă. Ял тăрăхĕн пуçлăхĕ Анатолий Витальевич Семенов каланă тăрăх, Гагаринпа Тимофеев урамĕсен хутлăхне, 150 метр тăршшĕ çула, вак чул сарас ĕçсем пыраççĕ. Алексей Макаров ХФХ ертÿçи пурнăçлать юсав ĕçĕсене Çакăн хыççăн Тенеялĕнчи урамсенче çак ĕçсене малалла тăсасшăн.
Источник: "Ял ĕçченĕ"