Публикации » Космос тĕнчи кăсăклă

17 апреля 2018 г.

1961 çулхи апрелĕн 12-мĕшĕнче Юрий Гагарин уçлăха вĕçнĕ пĕрремĕш çын. Тепĕр çултан çак числара Космонавтика кунне уявлама тытăннă.
Кивĕ Пуянкассинчи вулавăшра ăна халалласа вĕрене-кенсемпе ятарлă мероприяти иртнĕ. “Космонавтика: çынсем, фактсем, пулăмсем” ятпа йĕркеленĕ пĕлÿ сехечĕ космоспа çыхăннă литературăпа паллашнинчен пуçланнă. Ялти библиотекарь тĕнче уçлăхĕнче пулнă космонавтсем, этемлĕх ырлăхĕшĕн тăрăшса уçлăхри тĕпчевсен ĕçĕсем çинчен кĕскен чарăнса тăнă.
Ачасем Юрий Гагаринпа, Чăваш Енĕн мухтавлă ывăлĕпе Андриян Николаевпа тата ытти паттăрсемпе мăнаçланнине пĕлтернĕ. 
Юлашкинчен пурте викторинăна хутшăннă, çамрăксемшĕн космосăн асамлă тĕнчинчи çулçÿрев питех те кăсăклă пулнă.

Источник: "Ял ĕçченĕ"