27 марта 2018 г.
Иртнĕ кунсенче Чăваш Республикин тĕп хулине волейбол вăййине кăмăллакансем пухăннă. Çак кун çĕнтерỹçĕ ята çĕнсе илессишĕн кунта пурĕ сакăр команда тупăшнă. Комсомольски районĕн чысне вара "Урмай" командăн хỹтĕлеме тивнĕ.
- 2017-2018 çулхи сезонра эпир вунпĕр вăйă вылярăмăр. Хĕрỹ ăмăртусенче яланах малти вырăнсене çĕнсе илсе пытăмăр. Вăйăсенче уйрăмах Владислав Кириллов, Ирек Камальдинов, Ильшат Мавлютов, Айрат Мударисов, Ильнар Кумтов, Расул Юмаков палăрчĕç, - хăйсен çитĕнĕвĕпе ушкăн членĕ Ринат Рахимзянов паллаштарчĕ.
Шупашкарта иртнĕ хĕрỹ тупăшура та Комсомольски спортсменĕсем палăрма пултарнă. "Урмайсем" - çĕнтерỹçĕсем тата кубок хуçисем. Турнирта мала тухнă ятпа çамрăк спортсменсене эпир саламлатпăр, малашне те ăнăçусем сунатпăр.
А.ДЕНИСОВА
Источник: "Каçал Ен"