Вăхăтра медицина пулăшăвĕ панине пула нумайăшĕн сывлăхне сыхласа хăварнă, ыратнине ирттернĕ, хăшне-пĕрне вилĕмрен çăлнă. Кашни пациентăн хăйĕн сывалмалли историйĕ пур. Тухтăрсемпе медицина сестрисене эпир вĕсен кулленхи ĕçĕ мĕн тери кирли çинчен калама та ĕлкĕрейместпĕр.

Чăваш Енри Сывлăх сыхлавĕн министерстви «Медицина - манăн чун туртăмĕ» проектпа килĕшÿллĕн «Элĕкри тĕп больница» бюджет учрежденийĕнче «Тавтапуç, тухтăр!», «Тавтапуç, медсестра» акцисене хутшăннă ĕçченсене наградăланă.

Чăваш Республикин Сывлăх сыхлавĕн министерстви ячĕпе, кăтартусене пĕтĕмлетсе тата саламласа, экономикăпа прогноз, бухгалтери учечĕпе контролĕн пайĕн начальникĕ Людмила Данилова тухса калаçнă. Вăл Элĕк больницин тĕп врачĕпе Валерий Егоровпа пĕрле Елена Трифонова гинеколога тата Йăлкăшри фельдшерпа акушер пункчĕн фельдшерне Альбина Борисовăна награда панă.