Публикации » "Асамлă чаршав" вĕçленчĕ

Октябрĕн 30-мĕшĕнче кăçалхипе саккăрмĕш хут иртнĕ "Асамлă чаршав" фестивале савăнăçлă лару-тăрура хупнă. Фестивале районти пур ял тăрăхĕ те хутшăннă. Жюри пĕтĕмлетĕвĕпе кăçал "Чи лайăх спектакль" номинацире Сĕнтĕкçырминчи Культура çурчĕн артисчĕсем çĕнтернĕ. Иккĕмĕш вырăна Серенкассинчи Культура çурчĕн артисчĕсем тухнă, виççĕмĕшне атнарсемпе тралькассисем пайланă. "Чи лайăх хĕрарăм ролĕ" номинацие Тралькассинчи Культура çурчĕн артисчĕ, "Çулсем иртсен, кунсем юлсан" спектакльте Марук рольне вылянă Венера Романова тивĕçнĕ. "Чи лайăх арçын ролĕ" номинацире Ачкасси ял тăрăхĕн театр пултарулăхĕн коллективне çỹрекен, "Çыру çыртăм савнисем патне" спектакльте Вадим рольне вылянă Владимир Храмов çĕнтернĕ. "Эпизодри чи лайăх роль" номинацире Хусанушкăнь ял тăрăхĕн артисчĕ "Куççуль витĕр кулă та телей" спектакльте Сидор рольне вылянă Вячеслав Корчагин палăрнă. "Чи лайăх художник-спектакль лартакан" номинацие Кив Атикассинчи Культура çурчĕн театр пултарулăх коллективĕн художникĕ Николай Данилов тивĕçнĕ.