Публикации » Тăваттăн аманнă, пĕр çын вилнĕ

05 декабря 2017 г.

Декабрĕн 1-мĕшĕнче Юнтапа ял тăрăхĕн территорийĕнче «Шупашкар - Сурски» автотрасса çинче инкек пулнă. «Опель» маркăллă автомашинăна тытса пыракан хĕрарăм хăйĕн умĕнчи транспортран иртсе каяс тесе хирĕçле килекен автотранспорт çулĕ çине тухнă. Анчах та водитель ун чухне хирĕç килекен транспорт пуррипе çуккине тимлĕх уйăрман. Çавна пулах «Мерседес» маркăллă автомашинăна пырса çапăннă. Аварире «Опель» машинăра ларса пыракан пассажир вилнĕ. Тепĕр тăватă çынна вара тĕрлĕ сурансемпе медицина учрежденийĕсене ăсатнă. Çанталăк тăтăшах улшăнса тăнине кура çул-йĕр хăрушсăрлăх инспекцийĕн инспекторĕсем трасса çинче уйрăмах тимлĕ пулмаллине асăрхаттараççĕ.